Tá gliondar orainn go mbeidh GUT páirteach san fheachtas, ‘The Big Give Christmas Challenge’. Reáchtálann Big Give feachtais cómhaoinithe do charthanachtaí agus cúiseanna speisialta ag tréimhsí tábhachtacha i rith na bliana. Beidh an feachtas ‘Christmas Challenge’ ar siúl Dé Máirt 3 Nollaig (meánlae) go dtí Dé Máirt an 10 Nollaig (meánlae). Tá £6, 250 de chiste cómhaoinithe ar fáil - gheall gnóanna agus tacaithe ón cheantar go lách don chiste.
Cad é is féidir leatsa a dhéanamh?
Más é do thoil é, is féidir leat cuidiú trí airgead a bhronnadh. Cuidigh linn ár sprioc a bhaint amach agus beidh do shíntiús méadaithe faoi dhó!*
Cá huair?
Beidh an feachtas ag dul ar aghaidh ón Mháirt 3 Nollaig (meánlae) go dtí an Mháirt 10 Nollaig (meánlae).
Cén chaoi?
Tig leat síntiús a thabhairt ar líne le do chárta idir na dátaí luaite thuas. Le do thoil, cuir meabhrúchán i do fhéilire agus bain úsáid as an cód QR thuas nó féach an nasc thíos. De rogha air sin, féach ár suíomh gréasáin agus úsáid an nasc do leathanach an fheachtais.
Cén fáth?
Cuidigh linn an chultúrlann nua, Teach Uidhilín, (suite ag 29 an Phríomhshráid agus 2-4 Ascaill an Chaisleán, Caisleán Uidhilín) a chruthú ionas go mbeidh sí mar chroílár an phobail! Beidh do thabhartas ina chuidiú ollmhór chun spás bríomhar, fáilteach a dhéanamh don phobal go ceann na mblianta. Ionad iontach a bheidh ann do ranganna, ceardlanna, imeachtaí cultúrtha agus ealaíonta, gníomhaíochtaí don aos óg agus a thuilleadh eile nach iad.
Imeachtaí Tiomsaithe Airgid
Is féidir freastal ar dhá imeacht den chéad scoth chun tacaíocht a thabhairt don fheachtas chomh maith.
Aonach na Nollag, Dé Sathairn 7 Nollaig, CLG Caisleán Uidhilín, 11rn-3in, (£5 an pháiste, £12 triúr páistí): réimse gleoite stainníní ceardaíochta, Daidí na Nollag, péinteáil éadan, duaiseanna!
Ceoilchoirm na Nollag, Dé Domhnaigh 8 Nollaig, Dún Éigse, Caisleán Uidhilín, Doirse ar a 6in (£12 – cuir in áirithe ar shuíomh gréasáin GUT): Gráinne Holland, Colum Sands, Ciara McCrickard, Gerry Flanagan, Terry Cowan, Martina Cunningham and Matt McGinn, Newcastle Comhaltas Ceoltóirí Éireann, Bunscoil Bheanna Boirche le bheith ann!
Le buíochas ó chroí uainn do do fhlaithiúlacht, do dhea-mhéin agus do thacaíocht. Má tá ceist ar bith agat, bí i dteagmháil linn:
Comments